fake blog, fake author!

王迪詩係唔係真有其人，不得知 （起碼個名係假嘅。）

企業公司相信Blog能有行銷上嘅助益，而自建Fake Blog，並非新聞。

Blogging嘅價值在於真實直擊，Blog要是能夠產生影響力，原因必然來自Blog作者與讀者之間長期建立起來嘅信任關係。任何Blog嘅中心思想、寫作主旨、動機，基本要求還是誠意正心，使人有窺視私人生活圈子嘅感覺。即使企業blog有好強嘅利益性，但blogger個性不能被掩埋，他應該係一個個體，不同於其企業嘅文化同情緒，因為佢唔係企業嘅官方發言人。

新聞發行媒介自建Fake Blog有冇呢? 就算有，你都唔會知，因為會係醜聞。

咁Fake Author 呢? 梗係有啦！Nasdijj，Anya Peters ，Belle de Jour 等等。

由寫Blog然後出書，係一個新模式，Blogger對於新聞媒介嘅好處，係提供已經建立咗嘅讀者關係，所以有好多Blogger都有專欄係報紙同免費報紙度。

相反而行，如果首先創造一個假嘅Blogger，利用Blogging嘅模式，製造小圈子窺視感覺，亦可吸引一眾讀者。

王迪詩係唔係真人唔重要，起碼我相信佢真人唔係咁講嘢。